MKUTANO WA MKUU WA MKOA WAKURUGENZI WA HALMASHAURI NA WAANDISHI WA HABARI KATIKA KUTANGAZA MAFANIKIO YALIOFANYA NA SERIKALI YA AWAMU YA 6

Posted on: January 31st, 2024

Mkuu wa Mkoa wa Songwe, Mheshimiwa Dkt. Francis K. Michael, amesema kuwa Serikali inayoongozwa na Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, imepokea shukrani za Mkoa wa Songwe kwa kutoa fedha nyingi zilizosaidia kutekeleza miradi mbalimbali ya maendeleo.

Dkt. Michael alitoa shukrani hizo leo Jumanne, Januari 30, 2024, wakati wa kikao chake na waandishi wa habari pamoja na wakurugenzi wa halmashauri za mkoa huo kilichofanyika katika Ofisi ya Mkuu wa Mkoa Nselewa, Mbozi.

Alieleza kuwa Rais Samia ametoa fedha nyingi kwa utekelezaji wa miradi ya maendeleo katika Mkoa wa Songwe, ikihusisha sekta za Afya, Elimu, Maji, Miundombinu ya Barabara, na Kilimo.

Dkt. Michael alisema kuwa hatua zilizochukuliwa na Rais Samia zimeleta mabadiliko mengi katika Mkoa wa Songwe, na zinalenga kuboresha maisha ya wananchi kwa kuleta maendeleo.