MKUU WA MKAOA WA SONGWE AMETOA SHUKRANI KWA KIKUNDI CHA TUNDUMA NI FURSA KWA MSAADA WA DHARURA KWA WAATHIRIKA WA MAFURIKO HANANG

Posted on: December 11th, 2023

Mkuu wa Mkoa wa Songwe Mhe. Dkt Francis K. Michael, amepokea msaada kutoka kwenye Kikundi cha Tunduma ni Fursa Online ambacho kimetoa tani moja ya Mahindi, kilo 250 za sabuni, Mavazi pamoja na viatu kwa ajili ya msaada kwa waathirika wa mafuriko katika Wilaya ya Hanang Mkoani Manyara.

Akizungumza nje ya Ofisi yake wakati wa kupokea msaada huo, Mhe. Dkt Francis, amewashukuru wana Tunduma hao kwa kujitoa kuunga mkono juhudi za Serikali katika kusaidia utatuzi wa adha zinazowakabili wananchi waliokumbwa na maafa mkoani Mtwara.

Pamoja na kuwashukuru watu hao, Mkuu wa Mkoa amewaomba wadau wengine kuendelea kuungana na Serikali ambayo kwa kipindi hiki ambacho nguvu kubwa hasa ya kiuchumi imeelekezwa huko (Hanang) ili kurejesha hali ya kawaida kwa wananchi walioathirika.

Mwenyekiti wa Kikundi cha Tunduma ni fursa Online amesema wamehamasika kuchangisha na kutoa msaada wa vitu mbalimbali ikiwemo Vyakul, sabuni na mavazi kuitikia kwa vitendo ombi la Serikali kuwaomba wadau na taasisi mbalimbali kutoa michango kwenye Wilaya na Mikoa mbalimbali kupitia wakuu wa Mikoa na wakuu wa Wilaya.