MKUU WA MKOA WA SONGWE AFANYA ZIARA KUKAGUA MIRADI YA ELIMU WILAYA YA MBOZI

Posted on: December 5th, 2023

Mkuu wa Mkoa wa Songwe Mhe. Dkt Francis K. Michael amefanya ziara ya kikazi ya ukaguzi wa miradi ya maendeleo katika Halmashauri ya Wilaya ya Mbozi.

Dkt. Micahel, amefanya ziara tarehe 05/12/2023 ambapo amekagua ujenzi wa madarasa na maabara ya Shule Secondari Nsenya iliojengwa kwa nguvu za wananchi na kumaliziwa na Serikari kupaua katika Kata ya Vwawa.

Katika ziara hiyo, Mkuu huyo wa Mkoa pia amekagua ujenzi wa madarasa mapya yanayoanza kujengwa katika shule ya Secondari Iwvanga Kata ya Mlowo Tarafa ya Vwawa ambapo amewaagiza watendaji kuhakikisha ndani ya siku tatu ujenzi wa madarasa umeanza.

Aidha, Dkt Michael amekagua ujenzi wa Shule mpya ya Sekoondari Iwalanje katika kata ya Magamba pamoja na ujenzi wa shule mpya ya Secondari ya Nanyara chini ya miradi ya SEQUIP inayogharimu jumla ya Tshs Milioni 583 kwa kila Shule Ambazo ni fedha kutoka Serikali Kuu.