RAIS DKT MAGUFULI AZINDUA BARABARA YA TUNDUMA-SUMBAWANGA

Posted on: October 6th, 2019

 Rais wa Jamhuri ya Muungano wa Tanzania Dkt John Pombe Joseph Magufuli leo amezindua barabara yenye kiwango cha lami ya Tunduma-Sumbawanga yenye urefu wa Kilomita 223.2.

Rais Dkt Magufuli amefanya uzinduzi huo katika eneo la Laela Wilaya ya Sumbawanga na kuwasihi wananchi na viongozi wa vijiji jirani na barabara kutuza miundombinu ya barabara hiyo ambayo ina thamani ya shilingi bilioni 554.

Amesema wananchi hao wanatakiwa kuitumia barabara hiyo katika kujiletea maendeleo kwa kufanya biashara ndogondogo kwa watumiaji wa barabara hiyo pia kuitumia kusafirisha mazao katika masoko ya ndani na nje ya nchi.

Rais Dkt Magufuli amewapongeza watumishi wa Wakala wa Barabara Nchini (TANROADS) Mikoa ya Songwe, Rukwa na Katavi kwa kusimamia ujenzi wa barabara hiyo huku akiwataka kuendelea kusimamia miradi mingine ya barabara kwa kuzingatia gharama halisi na kubana matumizi.