RC MGUMBA: MAPATO YA NDANI YATUMIKE KUTATUA ZAIDI SHIDA ZA WANANCHI

Posted on: May 31st, 2021

Mkuu wa Mkoa wa Songwe, Mhe. Omary Mgumba amezitaka Halmashauri za Songwe kutumia mapato ya ndani kutatua shida za wananchi katika kuwasogezea jirani huduma za jamii kwa kutekeleza miradi.

Wito huo umetolewa 29 Mei wakati Mkuu wa Mkoa akiongea na watumishi wa Wilaya ya Mbozi."Halmashauri zijenge Zahanati, Shule, vituo vya Afya kwa kutumia mapato yake sio kusubiria fedha kutoka Serikali Kuu tu ndio zije kujenga vitu vipya" Omary Mgumba.

Mhe. Mgumba amesema Halmashauri ikiwa inajenga kituo cha Afya kwenye na Serikali kuu itajenga kwenye Kata nyingine, hivyo itasaidia kutatua au kupunguza changamoto kwa wananchi.

Pia, Mkuu wa Mkoa amezitaka Halmashauri kutumia fedha kwa kufuata mipango iliyopo kwenye Bajeti.