SEKTA YA MADINI KUIFUNGUA ZAIDI WILAYA YA SONGWE.

Posted on: September 28th, 2022

SEKTA YA MADINI KUIFUNGUA ZAIDI WILAYA YA SONGWE.

SONGWE: Mkuu wa Wilaya ya Momba, Mhe. Fack Lulandala akimuwakilisha Mkuu wa Mkoa wa Songwe amekutana na watendaji wa Kampuni ya Noble Helium Limited inayofanya shughuli za utafiti wa gesi ya helium.

Mkurugenzi Mkuu wa Kampuni hiyo Justyn Wood amesema utafiti kwa Mkoa wa Songwe utafanyika katika Wilaya ya Songwe kwenye kijiji cha Some Kata ya Gua pamoja na kwenye pori la Piti na lukwati.

Mhe. Fack Lulandala amesema Serikali ya Mkoa na Wilaya itatoa ushirikiano wa hali na mali ili kufanikisha utafiti wa gesi ya helium.

Pia, Mhe. Fack Lulandala amemkabidhi Mkurugenzi Mkuu wa Kampuni ya Noble Helium, Justyn Wood kitabu cha fursa za uwekezaji zilizopo Songwe ili awe barozi kwa wenzake kwa ajili ya uwekezaji Mkoa wa Songwe.

Edwin Mremi Afisa anayeshughulikia mambo ya jamii amesema utafiti utakapoanza wananchi ambao wanaishi jirani watanufaika na fursa mbalimbali za ajira ambazo zitatolewa na Kampuni hiyo kipindi cha utafiti.

Pia, Mremi amesema Kampuni itasaidiana na Serikali kutatua baadhi ya changamoto katika huduma za jamii kwenye vijiji ambavyo mradi utafanyika.

MWISHO.