TASAF MKOA WA SONGWE IMEFANYA ZIARA KUKAGUA MIRADI NA KUJIONEA UTOAJI WA HUDUMA KWA WANUFAIKA WA TASAF MOMBA

Posted on: January 3rd, 2025

Mratibu wa Mfuko wa Maendeleo ya Jamii (TASAF) Mkoa wa Songwe, Edwin Kabambagusha, amefanya ziara ya kuwatembelea wanufaika wa mpango wa TASAF pamoja na kukagua miradi inayotekelezwa na wanufaika katika Halmashauri ya Wilaya ya Momba. Ziara hiyo ilianza tarehe 2 Januari 2025 na kuhitimishwa tarehe 3Januari 2025, ikilenga kufuatilia utekelezaji wa miradi na kuhakikisha kuwa fedha za TASAF zinatumika kwa malengo yaliyokusudiwa.

 Kabambagusha alipata fursa ya kuzungumza na wanufaika, kuona maendeleo ya miradi mbalimbali, na kutoa maelekezo ya namna bora ya kuimarisha utekelezaji wa mpango huo. Ziara hiyo inalenga kuongeza ufanisi wa miradi na kuhakikisha kuwa wananchi wanaendelea kunufaika na mpango wa TASAF kwa kuboresha maisha yao.