TUTAFANYA KAZI NA WADAU WOTE KUTIMIZA LENGO LA SERIKALI: RC MICHAEL.

Posted on: March 2nd, 2023

TUTAFANYA KAZI NA WADAU WOTE KUTIMIZA LENGO LA SERIKALI: RC MICHAEL.

SONGWE: Mkuu wa Mkoa wa Songwe, Mhe. Dkt. Francis Michael amesema Serikali ya Mkoa itahakikisha inafanya kazi na wadau wote wa maendeleo waliopo mkoani ili kutimiza malengo ya Serikali ya awamu ya sita inayoongozwa na Mhe. Dkt. Samia Suluhu Hassan ya kuwaletea maendeleo wananchi wa Songwe.

Mhe. Dkt. Francis Michael amesema hayo alipowasili leo 2 Machi 2023 Songwe na kupiga hodi Ofisi za CCM na kuteta na viongozi wa Chama pamoja na kiongozi wa Mila Mkoa Chifu Muleshelwa Nzunda kwa nyakati tofauti.

"Nimekuja Songwe na kupiga hodi Chama cha Mapinduzi kwani sisi Serikali tunatekeleza Ilani ya CCM hivyo ilikuwa ni lazima kwanza nifike hapa kabla ya kuanza kazi na kuja hapa kwa kiongozi wa Mila hii ni hatua ya kwanza kabisa ila tutakutana na wadau wote wa maendeleo wa Mkoa huu" Mhe. Dkt. Francis Michael.

Kiongozi wa Kimila Mkoa wa Songwe, Chifu Muleshelwa Nzunda ambaye ni Makamu Mwenyekiti wa Kamati ya Amani Mkoa amesema amepokea kwa furaha kubwa kwa mara ya kwanza Mkuu wa Mkoa mpya kufika nyumbani kwake kabla ya kuanza majukumu yake ya kiserikali, kwa kweli nimefurai sana.

Sisi viongozi wa Kimila ni kiungo wa Serikali tutaendelea kutoa ushirikiano kwa Serikali, tunamuombea kwa Mungu Mkuu wa Mkoa, Dkt. Francis Michael afanye kazi kwa usalama, amesema Chifu Muleshelwa Nzunda.

Mkuu wa Wilaya ya Mbozi, Mhe. Easter Mahawe akiongea kwa niaba ya wakuu wa Wilaya za Mkoa amemhakikishia Mkuu wa Mkoa kutoa ushirikiano wa kutosha kwake ili kufikia malengo ya Rais wa Tanzania, Mhe. Dkt. Samia Suluhu Hassan.

Mwenyekiti wa CCM Mkoa, Ndg. Radwell Mwampashi amempongeza Mkuu wa Mkoa kwa kuaminiwa na Mhe. Dkt. Samia Suluhu Hassan kwa kuiongoza Songwe.

MWISHO.