UZINDUZI WA PROGRAM JUMUISHI YA TAIFA YA MALEZI, MAKUZI NA MAENDELEO YA AWALI YA MTOTO (PJT-MMMAM) MKOA WA SONGWE

Posted on: September 21st, 2023

Katibu Tawala Msaidizi Mipango na Uratibu, Ndg. John Mwaijulu, akiwa mgeni rasmi akimuwakilisha mkuu wa mkoa wa Songwe, Mhe. Dkt. Francis Michael, amezindua rasmi programu jumuishi ya taifa ya malezi, makuzi, na maendeleo ya mtoto (PJT-MMMAM) kwa mkoa wa Songwe. Programu hii inalenga kutoa huduma jumuishi kwa watoto katika maeneo mbalimbali, ikiwa ni pamoja na afya, lishe, fursa za uwekezaji wa awali, malezi ya mwitikio, pamoja na ulinzi na usalama kwa watoto wenye umri wa miaka sifuri hadi nane (0-8).

Uzinduzi huu ulihudhuriwa na wakuu wa dawati la jinsia na watoto, pamoja na wawakilishi kutoka mashirika na taasisi zinazojihusisha na masuala ya watoto. Mashirika hayo ni pamoja na Himso, Children in Crossfire, Tecden, Watoto Wetu,UNICEF, Pamoja na UTCP (Waandishi wa Habari).

Programu hii ni juhudi muhimu za kuimarisha huduma za kijamii kwa watoto katika mkoa wa Songwe na inalenga kuhakikisha kuwa watoto wanapata fursa bora za makuzi na malezi, pamoja na ulinzi dhidi ya hatari zozote zinazoweza kuwakabili. Uzinduzi huu ni hatua muhimu katika kuhakikisha ustawi na maendeleo bora ya watoto katika mkoa katika mkoa wa Songwe.

MWISHO.