WAHESHIMIWA MADIWANI WA MKOA WA SONGWE WAHAMIA DIGITALI

Posted on: May 13th, 2017

Mkoa wa Songwe umeamua kuhamia digitali kwa kuachana na matumizi ya Makabrasha na badala yake kutumia simu (Tablets). akizungumza wakati akikabidhi vitendea kazi hivyo kwa Waheshimiwa wa Halmashauri ya Mji wa Tunduma Mkuu wa Mkoa wa Songwe Mhe. Chiku Gallawa alisema "Gharama za kuandaa taarifa za vikao vya Waheshimiwa Madiwani na kusambaza ni kubwa pia huchukua muda mrefu, hivyo kwa kuhamia digitali itapunguza gharama za uendeshaji shughuli hizo na kukomboa wakati" alisisitiza.

Mkuu wa Mkoa alisema  zoezi la kukabidhi vitendea kazi hivyo litaenda sambamba na ziara zake ambazo anafaya katika kila Halmashauri za Mkoa wa Songwe. vilevile alisema kazi ya mafunzo ya matumizi ya vitendea kazi hivyo itakuwa endelevu kwa kuwatumia Maafisa TEHAMA katika Halmashauri zao

Aidha Mkuu wa Mkoa alisema juhudi ya kutafuta vitendea kazi vingine inaendelea kwani anataka Mkoa utumie mikutano kwa njia ya digitali ( Teleconference). alisema kuwa njia hiyo itapunguza gharama na muda wa kusafiri kwenda Mkoani badala ya kutoa huduma kwa Wananchi katika maeneo yake.