Katika msimu wa mwaka 2016/2017 tani 103.37 za thamani ya Sh. 465,165,000.00 zilizalishwa kwenye maziwa, malambo na mito ya asili. Sehemu kubwa ya uzalishaji huu umechangiwa na ziwa Rukwa, sehemu ndogo kuchangiwa na mabwawa ya taasisi, vikundi na watu binafsi.
Kudhibiti Uvuvi Haramu
Mkoa unafanya doria mara kwa mara pamoja na usimamizi shirikishi kwa kuanzisha Kamati za Usimamizi (BMUs) tano ambazo zimesajiliwa kisheria zilizopo mwambao mwa Ziwa Rukwa ili kusimamia rasilimali za Uvuvi, mazingira na Uvuvi haramu ambapo makokoro 87 yenye thamani ya Sh. milioni 9.2 yalikamatwa, nyavu 13 zenye thamani ya Sh. milioni 6 zilikamatwa na mitumbwi 60 baada ya wavuvi kukimbia, pia elimu inaendelea kutolewa kwa wananchi juu ya ufugaji bora wa samaki katika mabwawa ambapo Mkoa una jumla ya mabwawa 383 .
