RC MWANGELA AWATAKA WAFANYABIASHARA KUUZA BIDHAA KWA BEI ELEKEZI

Posted on: November 28th, 2020

SONGWE: RC MWANGELA AWATAKA WAFANYABIASHARA KUUZA BIDHAA KWA BEI ELEKEZI

Wafanyabiashara wa Mkoa wa Songwe wametakiwa kuuza bidhaa zao kwa kuzingatia bei elekezi iliyopo na si kuongeza bei bila sababu za msingi.

Agizo ilo limetolewa na Mkuu wa Mkoa wa Songwe, Mhe. Breg. Jen. Nicodemus Mwangela alipokutana na wafanyabiashara  kwenye kikao kazi, 28 Novemba 2020.

“Kuongeza bei za bidhaa kwa makusudi wakati hazijapanda uko ni kumchonganisha mwananchi na Serikali yake kitu ambacho hatutakubali” Mkuu wa Mkoa wa Songwe, Mhe. Mwangela.

Miezi ya hivi karibuni kumekuwa na ongezeko la bei ya saruji na baadhi ya bidhaa wakati Serikali haijaongeza tozo ya aina yeyote na malighafi ya kutengeneza bidhaa zipo hapa hapa Tanzania.

Wakati huo huo Mkuu wa Mkoa amewaomba wafanyabiashara wa Songwe kuwekeza katika viwanda vya mnyororo wa thamani wa mazao yanayozalishwa  kutokana na Mkoa kuwa na maligahfi za kutosheleza viwanda hivyo pamoja na kuwekeza katika ujenzi wa Hoteli.